Bidelaguna

 

Azken urteetan ikasleen aniztasunari erantzuteko neurrien artean BIDELAGUNA programa dugu.  

Programa honen bidez, eskola ordutegitik at eta astean bi egunez ordubeteko saiotan, L.H 5etik DBH 2. mailara bitarteko ikasleen behar akademikoei erantzuten zaie, ikasketa prozesuan izan ditzaketen hutsuneak landuz zein ikas ohiturak finkatzen lagunduz.

Bertako begiraleak programaren koordinatzailearekin ikasleen jarraipena egiten du. 

Programaren helburuak honako hauek dira:

  • Eskola-arrakastako indizeak eta elkarbizitza hobetu, ikasleek  beraien gaitasunen inguruko itxaropenak eta ikastetxeak ikasleei buruz dituenak hobetuz. 
  • Ikasleei, batik bat gizartean duten desabantaila-egoeraren ondorioz zailtasunak edo atzerapen kurrikularra dutenei, laguntza eta bitartekoak eskaini, eskolako atzerapenei aurre egiteko edo ekiditeko.
  • Ikasleen irakurketarako konpetentzia eta matematikarako konpetentzia hobetu,  hauek lantzeko astero tarte bat hartuz.
  • Lanaren antolaketa hobetzeko eta ikasteko ohiturak hartzeko gakoak eman. Agendaren erabilera eta lana planifikatzen eta ordenatzen lagundu,  etxeko lanak egunean eramanez.
  • Ikasle guztiek bizitzako behar dituzten ezinbesteko prozedurak eta estrategiak eskuratzeko ahal diren baliabide guztiak eskaini eta sistematizatu.: jakintzen konpetentzia maila hobetu (idazketa, irakurketa eta ulermena, buruzko kalkulua, problemen ebazpenerako estrategiak,..), teknologia berrien erabilera arduratsuan trebatu. eta ikasten irakatsi. 
  • Gaitasun desberdineko ikasleak, elkarri lagunduz elkarreragin, taldekatze ezberdinetan lan eginaz.
  • Etorkizunerako langile trebeak eta autoestimua indartsukoak izateko, modu autonomoan eta aktiboan eraginkortasunez aritzeko prestatu.
  • Familien eta ikastetxeen arteko harremanak hobetu, ikasleen jarraipena zuzenak eginez.

EUSKARALDIA

INIKA

BLOGAK ETA BERRIAK

JANGELA

Ikastola irudietan

EGUTEGIA