JANGELA

 

Egape Ikastolak eskaintzen duen zerbitzuetako bat jangela da. Zerbitzu honen garrantziaren adierazle erabiltzaileen kopurua da, HH-LHn 320 ikasle inguru eta DBHn 50 ikasle inguru. Bazkaltiar hauei guztiei beharrezkoa den zerbitzua eskaini ahal izateko zenbait profesionalen laguntza dugu.

                                           

 

Haur Hezkuntza eta Lehen Hezkuntzako ikasleek Lizardiko eraikinean bazkaltzen dute horretarako hiru sukaldari, hamahiru begirale eta jangelako arduradun bat dutelarik. DBHko ikasleek Azkorte kaleko eraikinean dute jangela eta bertan sukaldari bat, bi begirale eta jangelako arduradunaren zaintzapean egiten dute eguerdiko otordua.

 

                                          

 

Elikagaien hornidura Ausolan enpresaren ardurapean dago eta gure sukaldariek, ikastolan bertan, sukaldatzen dituzte egunero jakiak. Dieta orekatu eta osatua diseinatu dute gure ikasleentzat eta, behar izanez gero osasun edo erlijio arrazoiengatik , dieta egokituak prestatzen ditugu.

 

                                          

                                                         

Familiei hiru hilez behin menuaren berri ematen zaie. Egunero geratzen diren bazkaltiarrek 4,60€, noizbehinka geratzen direnak 5,20€ eta garraio eskubidea dutenek 3,20€ ordaintzen dute.