LABAR - ARTEAREN MURALA

DBH 1. mailako ikasleak Historiaurreko gertaerak, gizarteak eta aurkikuntzak ezagutzeko ikas prozesuan murgildu dira.

 

Gure gizartean aldaketa teknologikoek izan dituzten eraginen azalpenak jasotzea eta horren inguruan hausnarketa egitea izan da gure abiapuntua. Horrela, Paleolitoko eta Neolitoko gizarteen bizimoduak landu ditugu eta bi aro hauen arteko desberdintasunak ere aztertu dira, alegia,  nola gizarte ehiztari eta biltzaile batetik gizarte ekoizle batera pasa ziren, zergatik bihurtu ziren sedentario, zer lanabes motak egin zituzten edo zer adierazpen artistiko sortu zituzten.

Ikas prozesua borobiltzeko, labar-artearen horma-irudia egin dugu. Lanaren emaitza gizarte gelako paretan ikusgai dugu, gure denbora-makina martxan jarriz!