KALDEREROAK ETA 2 URTEKO IKASLEEN MOZORRO FESTA

Lizardi eraikinean kaldereroak ospatu genituen eta Etxeberrin, berriz, 2 urteko ikasleek mozorro festa ospatu genuen.

Aurreko ostiralean, zartaginak eta mailuak joz ospatu genuen kalderero festa. 3 urtetik hasita 6. maila arteko ikasleok dantzak eta abestiak bertaratutako famili eta lagunei eskaini genizkien. Giro polita eta atsegina sortu genuen denon artean! Gainera, Aballarri familia elkarteak prestatutako txokolatada batekin eman genion festari bukaera arratsaldea borobilduz. 

Bestalde, Ikastolako txikiek kolorez eta algarez bete genuen gela. Pailazoak, erromatarrak, mekanikariak, super heroiak, printzesak, animaliak eta mota askotako mozorroak izan genituen ikusgai! Zein ondo pasa genuen! Batzuk bi aldiz begiratu behar izan genituen nor ziren jakiteko! 

Datozen egunetan ere kolore eta mozorroz beteko ditugu kaleak.