IRAKASLE BEREZI BATZUEN BISITA HH5 URTEKO GELETAN

“Familiak ikastetxean” egitasmoarekin jarraituz, HH5ekook, kimikako irakasle baten eta ikastetxeko berrikuntzaz arduratzen den irakasle baten bisitak izan ditugu.

Lanbideen proiektuari amaiera emanez, Iñaki Urruzuno, Izeien aita, eta Ainara Atxaga, Ekhiren ama, bisitan izan ditugu gure geletan. Iñaki kimikako irakaslea da EHUn Donostiako campusean eta bere ikasleekin egiten dituen esperimentuetako batzuk erakutsi dizkigu. Bere lanean magia ere egiten duela iruditu zaigu. Harrigarria kolore moretik gardenera nola igaro den, eta alderantziz!.


Ainara, berriz, bere ikastetxe berrikuntzaz arduratzen den irakaslea da. Formakuntza ugari jasoz, ordenagailu aurrean lan eginez eta gelaz gela ibiltzen dela aipatu digu. Pentsamendu konputazionala dela eta, pare bat jarduera egin ditugu Bee bot-a eta Makey Makey-ak erabiliz. Bee bot-ari aginduak emanez guk nahi dugun lekura eraman dezakegula ikasi dugu eta Makey Makey-arekin, material eroaleak eta ez eroaleak daudela jakin dugu.


Mila esker gure geletara etortzeagatik eta zuen lanbidearen nondik norakoak erakusteagatik!