IKI KOMIKI LIKLIK! KOMIKIGINTZA TAILERRA

DBH 3.mailako ikasleak komikigintzaren munduan murgildu dira Joseba Larratxe marrazkilariaren eskutik.

 

Ikasleek artistaren sorkuntza prozesua ezagutzeko aukera izan dute. Horretarako, Josebak solasaldi ilustratu modura hasi du tailerra irudiak proiektatuz eta arbelean marrazkiak eginez; ondoren, komikia arte sekuentzial modura definitu, eta historia osoko adibideak ikusi dituzte. Erromako Trajanoren zutabetik hasi eta komiki modernoetaraino, Euskal Herriko eta atzerriko komiki pertsonaia eta marrazkilari famatuak ere ezagutzeko aukera izan dute.

Tailerraren bigarren zatian, Ni ez naiz Mikel Laboa komikia oinarri hartuta, komiki orrialde batean erabiltzen diren baliabide narratiboak aztertu dituzte eta sortze prozesuaren faseak jarraitu dituzte: gidoia idatzi, pertsonaiak diseinatu, orrialdeak konposatu, arkatzez marraztu, tintaztatu eta koloreztatu. Prozesu hau azaldu bitartean, Mikel Laboak eta Ez Dok Amairutarrek utzi diguten ondarea ezagututzeko aukera ere izan dute. Tailerra amaitzeko gainera, ikasle bakoitzak komiki labur bat sortu dute.