“FAMILIAK IKASTETXEAN” PROIEKTUA 2 URTEKO GELETAN

Dagoeneko martxan jarri da gure geletan “Familiak ikastetxean” proiektua eta hainbat familia parte hartzera animatu dira.

Azken bi asteetan bisita bereziak izan ditugu gure geletan. Gure egunerokotik atera eta hainbat ikasleren gurasoak gurekin zerbait berezia egitera etorri dira.


Lehen bisitan, Koldo eta Vanessa hurbildu ziren, Debaren gurasoak, eta txontxongiloekin antzerkitxo bat egin ziguten. Miaren ama, Yara, ipuina kontatzera etorri zen; hainbeste gustatu zitzaigun bi ipuin kontatzen bukatu zuela. Mariarekin, Marioren ama, brotxeta goxo batzuk prestatu genituen. Baita jan ere! Eta Ainhoak, Markelen amak, erizain lanak egin zituen guztion minak sendatuz.