EGAPE IKASTOLAKO 13 LAN SAILKATU DIRA BOOKTRAILER LEHIAKETAN
Galtzagorri elkarteak urtero antolatzen duen Booktrailer lehiaketan Egape Ikastolako 13 lan sailkatu dira eta apirilaren 30era arte lan hauek bozkatzeko aukera izango da.
Booktrailer bat liburu baten inguruko bideo motz bat da. Bertan, liburuaren inguruko informazio nagusia trailer modura aurkezten da jendeari jakin-mina piztu eta irakurtzera anima dadin. Booktrailer lehiaketa hau Galtzagorri elkarteak antolatzen du duela 9 urtetik.
Aurten, Egape Ikastolatik DBH 3 eta 4. mailako ikasleek parte hartu dute. 3. DBHko ikasleek EUSKARA ikasgaian “Hormak” liburua irakurri dute eta 4. DBHkoek “Azken dantza New Yorken” liburua.
Booktrailerra egiteko ikasleek hainbat pausu jarraitu dituzte: lehenik eta behin, 2. hiruhilekoan Galtzagorri elkartearen formazio bat jaso zuten ikasleek; jarraian, maila bakoitzako ikasleek egokitutako liburua irakurri zuten etxean eta gelan landu ondoren, booktrailerrerako gidoiak prestatu eta booktrailerrak egin zituzten.
Ikastolatik hainbat lan sailkatu dira finalerako.
- 4. DBHtik “Azken dantza New Yorken” liburuarekin 6 lan : Altuna, Egape, Elutxeta, Eteneta, Fantastikoak eta Onddolar.
- 3. DBHtik “Hormak” liburuarekin 7 lan : Aballarri, Adarra, Azkenak, Azkorte, Besabi, Buruntza eta Goiburu.
Bozkatzeko Galtzagorri Elkarteko web orrira sartu eta bertan eman behar da bozka. Egapeko lan guztiak ikastetxearen kategorian aurki daitezke baina hasteko, norbanako kategorian dauden hiru lanen artean bozkatu behar da. Ondoren, ikastetxeko kategorian eta amaitzeko, datuak bete eta bozka bidali. Kategoria bakoitzean, bozka bakarra eman liteke.
Bozkatzeko epea apirilaren 30ean amaitzen da beraz, animatu bozkatzera; irabaziz gero sari potolo bat lortzeko aukera izango dute gure ikasleek!!
EUSKARALDIA
INIKA
BLOGAK ETA BERRIAK
JANGELA
Ikastola irudietan
EGUTEGIA
