5 URTEKOAK KONTZERTU PEDAGOGIKOAN

Pasa den asteartean, 5 urteko haurrek Euskadiko Orkestra entzuteko aukera izan zuten.

Kontzertu aretoetara bertaratzea eta zuzeneko musika klasikoa eta musika sinfonikoa bereziki sustatzea helburu dute Euskadiko Orkestrak berariaz diseinaturiko proposamen berezi hauek. Hala, urtero antolatzen ditu, musika gela egitasmoaren barnean, ikasleentzako kontzertu pedagogikoak eta aurtengoan ere 5 urteko ikasleok parte hartzeko aukera izan dugu.

Aurtengoan “Ilargiari kantari” entzunaldiaz gozatzeko aukera izan dugu, amona abeslari bati eta haren oroitzapenei jarraituz euskal herri-musikaren hainbat melodiaz gozatuz. Kontzertua aitzaki hartuta, goiz ederra pasa dugu Miramonen. Eguraldia lagun, parkean jolastuz, ibilalditxo bat eginez eta bertan hamaiketakoa janez borobildu dugu goiza.